Sul 26 a viz Gwengolo 2021

En amzer-se e lavaras Yann da Jezuz: «Mestr ! Gwelet hon eus unan bennak oc’h argas an drouksperedoù ez anv, unan ha na vez ket ouzh hon heuliañ.» Met Jezuz a respontas:

«Na harzit ket outañ, rak n’eus den a gement a rafe ur burzhud em anv hag a c’hellfe diouzhtu goude gwallgomz diwar va fenn. Rak an neb n’emañ ket a-enep dimp a zo a-du ganimp. Ha piv bennak a roio deoc’h da evañ ur werennad-dour, dre an abeg-se ma ‘z oc’h d’ar C’hrist, e gwirionez m’en lavar deoc’h, hennezh ne gollo ket e c’hopr. Hag an neb a wallskouerio unan bennak eus ar re vihan-se a gred ennon, ez eo gwell dezhañ e vije staget ur maen-milin-azen ouzh e c’houzoug hag e vije stlapet er mor. Ha ma ro da zorn tro dit da gouezhañ, troc’h-eñ; gwell eo dit bezañ mogn hag antren er vuhez, eget kaout da zaou zorn ha monet d’ar gehenna, d’an tan divougus. Ma ro da droad tro dit da gouezhañ, troc’h-eñ; gwell eo dit monet kamm er vuhez eget kaout da zaou droad ha bezañ taolet er gehenn. Ha ma ro da lagad tro dit da gouezhañ, taol-eñ kuit; gwell eo dit bezañ born hag antren e Rouantelezh Doue eget kaout da zaoulagad ha bezañ taolet er gehenn, e-lec’h na varv ket o freñv, hag e-lec’h na vez ket mouget o zan.»