Sul 17 a viz Meurzh 2023 – Usus Antiquior: Dominica 1a Passionis / Kentañ Sul ar Basion (misal V2: 5et Sul ar C’horaiz). Gouel s. Padrig
Dimanche 17 Mars 2023 – Usus Antiquior 1er Dimanche de la Passion (Vatican 2. 5e Dim. de Carême)
*****************
Aviel misal nevez bl.B
eus Aviel s.Yann 12, 20-33
En amzer-se, bez’ e oa Gresianed e-touez ar re a oa pignet evit azeuliñ e-kerzh ar gouel. Ar re-mañ a dostaas da gaout Filip, a oa eus Betsaida e Galilea; hag e bediñ a rejont evel-henn: «Aotrou, gwelout Jezuz a garfemp.» Mont a reas Filip d’en lavarout da Andrev; Andrev ha Filip neuze a yeas d’en lavarout da Jezuz. Ha Jezuz a respontas dezho ar c’homzoù-mañ: «Setu deuet an eur ma tle bezañ roet klod da Vab an Den. E gwirionez, e gwirionez, me a lavar deoc’h, mar ne varv ket ar c’hreunenn winizh kouezhet en douar, e chom he-unan; hogen ma varv e ro frouezh e-leizh. An neb a gar e vuhez, he c’hollo; hag an neb a gasa e vuhez er bed-mañ, he miro evit ar vuhez peurbadel. Ra zeuio d’am heul an neb a zo va servijer; hag el lec’h ma ‘z on, eno ivez e vo va servijer. An neb am servij e roio va Zad enor dezhañ. Setu bremañ va ene en trubuilh. Ha petra ‘lavarin? O Tad, va salv diouzh an eur-se?
Met evit se eo ez on deuet, evit an eur-se. Tad, ro klod d’az anv!» Neuze e teuas ur vouezh eus an neñv: «Klod am eus roet dezhañ hag a roin adarre.» Ar bobl a dud a oa eno, hag o devoa klevet, a lavare: «Un tarzh-kurun ‘zo bet.» Lod all a lavare: «Un Ael en deus komzet outañ.» Ha Jezuz da respont: «N’eo ket evidon-me eo deuet ar vouezh-se, met evidoc’h-C’hwi. Bremañ eo barnedigezh ar bed-mañ; bremañ priñs ar bed-mañ a vo taolet er-maez. Ha me, pa vin bet uhelsavet diouzh an douar, eo an holl dud a dennin davedon.» Lavarout a rae an dra-se evit merkañ dre betore marv e tlee mervel.
daved al load « Introïbo «
+ Usus Antiquior
Dominica 1a Passionis
eur audio
Digoradur
Salm 42,1-2
Iúdica me, Deus, et discérne causam meam de gente non sancta: ab homine iníquo et dolóso éripe me: quia tu es Deus meus et fortitúdo mea. &3 Emítte lucem tuam et veritátem tuam: ipsa me de duxérunt et adduxérunt in montem sanctum tuum et in tabernácula tua.
Barnit-me en ho reizhded, o Doue, ha difennit va breud a-enep ur bobl disleal; eus an dud gaouiat ha fallakr dieubit-me rak c’hwi, Doue, zo va goudor. + Kasit din ho sklêrijenn hag ho kwirionez, int am bleino, int am reno, betek ho menez santel, betek hoc’h Annez.
audi
*
