Sul 13 a viz Kerzu 2020
Trede Sul an Azvent
Evit daou stumm al liderezh katolig – an hini « ordinal » hag an hini « dreistordinal » – eo ar Sul-mañ an trede eus an Azvent. En daou stumm-se e rank ar sonerezh gregorian bezañ gourfouezus: « Gant ar sonerezh sakr, dre vezañ unanet start gant al liderezh hag e destennoù, e rank bezañ ar perzhioù-mañ: santelezh, arz gwirion hag hollveziadegezh » (Kardinal Sarto, Pab Pius X goude-se).
Voici quelques pièces pouvant nous introduire à la sainte Liturgie catholique de ce Dimanche, selon le rite romain adopté en Bretagne. Cette Liturgie existe actuellement sous deux formes, selon qu’on ait adopté celle d’avant le Concile Vatican II ou celle d’après. Dans les deux formes, le chant grégorien doit être prépondérant: «La musique sacrée, par son étroite union avec la liturgie et avec le texte liturgique, doit posséder au plus haut degré ces vertus: sainteté, vérité de l’art et universalité » (Cardinal Sarto, futur Pie X).
daved al load « Grégorien en paroisse«
Stumm ordinal – bloavezh B:
eus an Aviel santel hervez sant Yann
1, 6-8. 19- 28
ez’ e voe un den kaset gant Doue, Yann e anv.
Hemañ a zeuas evit un testeni, evit bezañ test d’ar sklêrijenn, evit ma kredje an holl drezañ.
N’eo ket eñ a oa ar sklêrijenn,
met dont a rae evit reiñ testeni d’ar sklêrijenn.
Hag hemañ eo testeni Yann, bet diskleriet gantañ pa gasas dezhañ ar Yuzevion beleion ha levited eus Jeruzalem d’ober outañ ar goulenn-mañ: «Piv out-te?» Diskleriañ a reas ha ne nac’has ket, diskleriañ a reas: «Me n’on ket ar C’hrist.» Neuze e c’houlennjont outañ: «Petra ‘ta? Elia out-te?» «N’on ket», emezañ. – «Ar profed out-te?» Hag e respontas: «N’on ket.»
Neuze e lavarjont dezhañ «Piv out-te? Evit ma c’hellimp reiñ respont d’ar re o deus hor c’haset;
petra ‘lavarez diwar da benn da-unan?» Hag eñ da respont: «Me eo ar vouezh a youc’h er gouelec’h: Kompezit hent an Aotrou, evel m’en deus lavaret Izaia.»
Ar gannaded a oa eus ar Farizianed. Goulenn a rejont outañ ha lavarout dezhañ:
«Perak eta e vadezez, mar n’out ket te ar C’hrist, nag Elia, nag ar profed?» Yann a respontas dezho en ur lavarout: «Me a vadez en dour; met en ho touez ez eus unan n’anavezit ket, an hini a zle dont war va lerc’h ha n’on ket dellezek da ziskoulmañ dezhañ korreenn e sandalenn.»
Kement-mañ a c’hoarvezas e Betania, en tu all d’ar Yordan, e-lec’h m’edo Yann o vadeziñ.
daved al load » Introïbo «
*
* Dominica Tertia Adventus *
*
Digoradur
Filipidi 4,4-6
Gaudéte in Dómino semper : íterum dico, gaudéte. Modéstia vestra nota sit ómnibus homínibus: Dóminus enim prope est. Nihil sollíciti sitis: sed in omni oratióne petitiónes vestræ innotéscant apud Deum.
En em laouenait hep ehan, en Aotrou; e lavarout a ran adarre, en em laouenait. Ra vezo anat ho kerreizhded d’an holl dud. Tost eo an Aotrou. Na vezit nec’het gant netra. Met e pep degouezh, dre an orezon hag ar bedenn, ha gant an trugarekadenn, lakait ho koulennoù da sevel dirak Doue.
Salm 84,2 / Benedixísti, Dómine, terram tuam: avertísti captivitátem Iacob.
Ho krad vat, Aotrou, hoc’h eus diskouezet d’ho pro;
graet hoc’h eus da brizonidi Yakob distreiñ.
gant Benediktaned kêr Tchikago
*
*+*+*+*+*+*+*+*+*+*+*+*+*+*+*+*+*+*+*+*+*
*+*+*+*+*+*+*+*+*+*+*+*+*+*+*+*+*+*+*+*+*
An Oferenn glok
