An Eil Sul goude Pask / novus ordo: Trede Sul Fask

Dominica Secunda post Pascha

Sul 19 a viz Ebrel 2026 – Usus Antiquior: Dominica Secunda post Pascha – An Eil Sul goude Pask /novus ordo: Trede Sul Fask

*+*+*+*+*+*

Dimanche 19 Avril 2023 – 2^e Dimanche après Pâques (3^e Dim. de Pâques)

*+*+*+*+*+*

disul – Timon; Expedit; Jestin (Yestin)

dilun – Sulpisius ha Servitianus; Oda; Serv

dimeurzh – Anselm; Beuno; Maelrub

dimerc’her – Sotern; Opportuna; Konvarc’h

diriaou – Jord; Adalberzh; Ivar

digwener – Autharius; Devnan; Ivo

disadorn – Mark; MacCaille; Mella

kavit aze ar goueler evit ar sizhunvezh 19-25 Ebrel

Saints & fêtes pour la semaine du 19 au 25 Avril

*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*

novus ordo

Lukaz 24, 13-35

En deiz-se, setu ma oa daou anezho o vont d’ur vourc’h war-hed tri-ugent stadenn diouzh Jeruzalem, he anv Emmaus, hag e komzent etrezo diwar-benn kement tra a oa c’hoarvezet. Ha setu e-pad ma oant o komz hag o vreutaat, Jezuz e-unan a dostaas hag en em lakaas d’ober hent ganto; met dalc’het e oa o daoulagad ma ne oant ket evit en anavezout. Hag e lavaras dezho: «Petra eo ar c’homzoù-se a lavarit an eil d’egile, en ur vont gant an hent?» Chom a rejont a-sav, leun a dristidigezh. Unan anezho, anvet Kleopaz, a respontas outañ: «Te eo an estren nemetañ, o chom e Jeruzalem, a vefe hep gouzout petra a zo bet c’hoarvezet enni, en deizioù-mañ?» «Petra ‘ta?» emezañ. Ar re-mañ a respontas: «Ar pezh a zo en em gavet gant Jezuz a Nazared, a oa en em ziskouezet evel ur profed galloudus en e oberoù hag en e gomzoù, dirak Doue ha dirak ar bobl a-bezh; ha penaos o deus hor beleion vras hag hor pennadurezhioù en droukroet da vezañ barnet d’ar marv, hag en staget ouzh ar groaz. Ni avat hor boa fiziañs e oa hennezh an hini a zasprenfe Israel; hogen, gant kement-se holl, eo hemañ an trede deiz abaoe m’eo degouezhet an traoù-se. Gwir eo ez eo bet strafuilhet hor spered gant un nebeut gwragez eus hon touez: Aet int d’ar bez da c’houloù-deiz, ha pa n’o deus ket kavet e gorf, ez int distroet en ur lavarout o devoa gwelet Aeled zoken, hag a lavar ez eo bev. Ha darn eus hor c’hompagnuned a zo aet d’ar bez, hag o deus ivez kavet an traoù evel m’o devoa lavaret ar gwragez; eñ avat n’o deus ket e welet.» Neuze e lavaras dezho: «O tud dispered ha gorrek ho kalonoù da grediñ kement o deus lavaret ar Brofeded! Daoust ha ne oa ket ret d’ ar C’hrist gouzañv ar poanioù-se ha mont evel-se en e c’hloar?» Hag o kregiñ gant Moizez hag an holl Brofeded, e tisplegas dezho, en holl Skriturioù, ar pezh a oa diwar e benn. Evel-se ec’h errujont tost d’ar vourc’h ma ‘z aent, met eñ a reas van da vont hiroc’h. Met derc’hel a rejont warnañ en ur lavarout: «Chom ganimp, rak setu ar serr-noz o tont, hag emañ an deiz o tiskenn.» Hag ec’h antreas eta evit chom ganto. Hag e c’hoarvezas pa oa ouzh taol ganto, ma kemeras ha ma vennigas ar bara, m’en rannas ha m’en roas dezho. Neuze o daoulagad a zigoras hag en anavezout a rejont; eñ avat a oa en em guzhet diouto. Hag e lavarjont an eil d’egile: «Daoust ha ne verve ket hor c’halon en hor c’hreiz, pa gomze ouzhimp war an hent, ha pa zizoloe dimp ar Skriturioù?» Hag o sevel raktal e tistrojont da Jeruzalem. Eno e kavjont bodet an Unnek hag o c’hompagnuned, a lavaras dezho: «Evit gwir, dasorc’het eo an Aotroù, hag en em ziskouezet eo da Simon.» Hag i o-unan a zisplegas ar pezh a oa c’hoarvezet war an hent, ha penaos o devoa en anavezet gant rannidigezh ar bara.