Ar Sul eus eizhvetez Yaou-Bask (novus ordo: 7vet Sul Fask)

Sul 1añ a viz Mezheven 2025 

Usus Antiquior: Dominica infra Octavam Ascensionis – Ar Sul eus eizhvetez Yaou-Bask (novus ordo: 7vet Sul Fask)

Dimanche 25 Mai 2025 – Dimanche dans l’Octave de l’Ascension (7^e Dim. de Pâques)

*+*+*+*+*+*+*+*+*+*+*+* 

Aviel misal nevez bl.K

Yann *17, 20-26

En amzer-se, troet e zaoulagad war-zu an neñv, e pedas Jezuz, o lavarout: «Tad santel, n’eo ket evito hepken e pedan, met ivez evit ar re a gredo ennon diwar o lavar, evit ma vezint holl unan, evel m’emaout-Te, va Zad, ennon, ha me ennout; evit ma vezint int ivez unan ennomp, ha ma kredo ar bed eo Te ac’h eus va c’haset. Ar c’hlod ac’h eus roet din, am eus roet dezho, evit ma vezint unan evel ma ‘z omp-ni unan: Me enno ha Te ennon, evit ma teuint da vezañ peurunan, ha mac’h anavezo ar bed eo Te ac’h eus va c’haset, hag en o c’harez evel m’ac’h eus va c’haret me. Tad, ar re ac’h eus roet din, e fell din ma vezint ganin, int ivez, el lec’h ma vezin-me, evit ma welint va c’hlod, an hini ac’h eus roet din; rak va c’haret ac’h eus a-ziaraok krouidigezh ar bed. Tad reizh, ar bed n’en deus ket da anavezet; me avat am eus da anavezet, hag ar re-mañ o deus anavezet eo Te ac’h eus va c’haset. Hag o lakaet am eus da anaout da anv hag e rin c’hoazh, ma vo enno ar garantez ac’h eus va c’haret ganti, ha ma vin-me enno».

+ Usus Antiquior

Dominica infra Octavam Ascensionis

Vidi aquam * * *

Dazgwerzad amzer Fask

diouzh Ezekiel 47, 1 & 9; Salm 118 (117), 1

daved al load «  Introïbo « 

a setu ma strinke an dour eus dindan
kostez dehoù an Templ; rak yac’haat a ra, hag
ar vuhez en em zispak e kement lec’h ma’z a ar
froud. S/ Dougit klod d’an Aotrou evit e vadelezh ! Ya, da virviken e pad e drugarez !

Digoradur

eur

audio

*

Goueler ar Sent

1-6 Mezheven

*