Ar Seizhvet Sul goude ar Sul-Gwenn (novus ordo: 17vet sul per annum)

Sul 27 a viz Gouere 2025 – Dominica Septima post Pentecosten – ar Seizhvet Sul goude ar Sul-Gwenn (novus ordo: 17vet sul per annum)

Dimanche 27 Juillet – 7^e Dimanche après la Pentecôte (17ème Dimanche per annum)

*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+*

Aviel novus ordo

Lukaz *11, 1-13

Un deiz ma oa en ul lec’h bennak o pediñ, echu gantañ e bedenn, e lavaras dezhañ unan eus e ziskibion: «Mestr, desk dimp pediñ evel m’en deus Yann e-unan desket d’e ziskibion». Hag e lavaras dezho: «Pa bedot, lavarit: Tad, ra vo santelaet da anv, ra zeuio da Rouantelezh; bara hon bevañs, en ro dimp bemdez; Distaol dimp hor pec’hedoù, rak ni hon-unan ivez a zistaol da gement hini a zle dimp; Ha mir n’afemp da-heul an temptadur». Hag e lavaras dezho: «Piv ac’hanoc’h mar en deus ur mignon, ha mar deu d’e gaout da hanternoz da lavarout dezhañ: »Va mignon, prest din tri baraig, rak ur mignon din a zo du-mañ diwar veajiñ, ha n’em eus netra da ginnig dezhañ ». Ha ma respont egile eus an diabarzh: »Na dorr ket din va fenn; prennet eo an nor bremañ, hag emañ va bugale ganin en hor gwele, n’hellan ket sevel da reiñ dit ». Me lavar deoc’h, ha pa ne savfe ket da reiñ dezhañ dre ma ‘z eo e vignon, e savo evelkent dre forzh bezañ tregaset gantañ, hag e roio dezhañ kement en deus ezhomm. Ha me a lavar deoc’h: Goulennit hag e vo roet deoc’h; klaskit hag e kavot, skoit hag e vo digoret deoc’h. Rak an neb a c’houlenn a resev, an neb a glask a gav, hag an neb a sko, e vo digoret dezhañ. En ho touez, pehini eo an tad a rofe ur maen d’e vab mar goulennfe bara digantañ? Pe mar goulennfe ur pesk daoust hag e-lec’h pesk eo un naer a rofe dezhañ? Ha mar goulennfe ur vi, daoust hag e rofe dezhañ ur grug? C’hwi eta, evidoc’h da vezañ fall, mar ouzoc’h reiñ traoù mat d’ho pugale, na pegen muioc’h ne roio ket an Tad eus an Neñv ar Spered Santel d’ar re a c’houlenno».