Dominica in Sexagesima
Sul 23 a viz C’Hwevrer 2025 – Usus Antiquor: Dominica in Sexagesima / Sul ar C’hwegontved (Sul ar Peuzlard); novus ordo: 7vet Sul per annum
Dimanche 23 Février 2025 – Dimanche de la Sexagésime ; Vatican II 7e Dimanche per annum
*+*+*+*+*+*+*+*+*+*+*+*
Lukaz* 6, 27-38
En amzer-se, e lavaras Jezuz d’e ziskibion: «Deoc’h-c’hwi hag am selaou, e lavaran: Karit hoc’h enebourion, grit vad d’ar re ho kasa. Bennigit ar re ho millig; pedit evit ar re a zroukkomz diwar ho penn. D’an hini a sko ganit war ur jod, kinnig c’hoazh eben; hag ouzh an hini a lam da vantell diganit, na nac’h ket da doneg kennebeut-all. Ro da neb a c’houlenn diganit, ha digant an hini a laero da draoù ne c’houlenn ket en-dro. Evel ma karit e rafe deoc’h an dud, evel-se ivez grit dezho. Mar karit ar re ho kar, peseurt trugarez a zo dleet deoc’h? rak ar bec’herion ivez a gar ar re o c’har. Ha mar grit vad d’ar re a ra vad deoc’h-c’hwi, peseurt trugarez a zo dleet deoc’h? Ar bec’herion ivez a ra kemend-all. Ha mar prestit arc’hant d’ar re hoc’h eus goanag da resev diganto, peseurt trugarez a zo dleet deoc’h? Ar bec’herion ivez a brest d’ar bec’herion, evit resev en-dro kemend-all. C’hwi avat, karit hoc’h enebourion; grit vad ha prestit arc’hant hep gortoz mann en-dro. Neuze e vo bras ho kopr hag e vezot mibion d’an Uhelañ, rak eñ a zo madelezhus zoken e-keñver ar re dianaoudek hag ar re fall. Bezit trugarezus evel m’eo ho Tad trugarezus. Na varnit ket ha ne vezot ket barnet; na gondaonit ket ha ne vezot ket kondaonet; pardonit hag e vezot pardonet. Roit hag e vo roet deoc’h: ur muzuliad kaer, stardet, hejet-dihejet, ha leun dreist ar barr, a vo diskennet deoc’h en ho parlenn. Diouzh ar muzul a uzit gantañ e vo muzuliet deoc’h d’ho tro.»
Oferenn eus an Usus Antiquor
kv al load « Introïbo «
+ Usus Antiquior
Dominica in Sexagesima
Digoradur
Salm 43, 23-26.
Exsúrge, quare obdórmis, Dómine? exsúrge, et ne repéllas in finem: quare fáciem tuam avértis, oblivísceris tribulatiónem nostram? Adhǽsit in terra venter noster: exsúrge, Dómine, ádiuva nos, et líbera nos.
+ 2/ Deus, áuribus nostris audívimus: patres nostri annuntiavérunt nobis.
Savit neuze ! Perak kousket, Aotroù? Dihunit, ha n’hon distaolit ket da holl viken. Perak e kuzhit ouzhimp ho tremm, hag ankouaat a rit ez omp reuziet ha mac’homet? A-stok hor c’horf emaomp astennet er poultr, hor c’hof a chom peg ouzh an douar. Savit, Aotroù, deuit d’hor skoazellañ, ha dieubit-ni en abeg d’ho trugarez. & 2 / Doue, klevet o deus hon divskouarn, danevellet o deus dimp hon tadoù.
*
