Ar Sul eus eizhvetez Gouel ar Galon Sakr (3de Sul goude ar Sul Gwenn); Novus Ordo: Gouel Meur Sant Pêr ha sant Paol

Sul 29 a viz Mezheven 2025

Usus Antiquior: Dominica infra Octaviam Sanctissimi Cordis Iesu – Ar Sul eus eizhvetez Gouel ar Galon Sakr (3de Sul goude ar Sul Gwenn) + pe: Sant Pêr ha Paol

Dimanche 29 Juin 2024 – Dimanche dans l’Octave de la Fête du Sacré-Coeur (3ème Dimanche après la Pentecôte) – ou: solennité des saints Pierre et Paul (Novus Ordo)

*+*+*+*+*+*+*+*+*+*+*+*

Aviel novus ordo

Mazhev *16, 13-19

En amzer-se Jezuz deuet e korn-bro Kaezareia-Filip a c’houlennas digant e ziskibion: «Piv, a lavar an dud, eo Mab an Den?» Respont a rejont dezhañ: «Darn a lavar Yann Vadezour, darn Elia, darn Yeremia, pe unan bennak eus ar Brofeded» – «C’hwi avat, emezañ, piv e lavarit ez on-me?» Simon Pêr a respontas: «Te eo ar Mesiaz, Mab an Doue bev.» Jezuz a eilgerias dezhañ: «Eürus out-te, Simon, mab Yonas, rak n’eo ket ar c’hig nag ar gwad o deus diskuliet kement-se dit, met va Zad a zo en Neñvoù. Ha me a lavar dit: Te eo Maen, ha war ar Maen-se e savin va Iliz, ha galloudoù an Ifern ne drec’hint ket warni. Reiñ a rin dit alc’hwezioù Rouantelezh an Neñvoù, ha kement a liammi war an douar a vo ivez liammet en Neñvoù; ha kement a ziliammi war an douar a vo ivez diliammet en Neñvoù.

*+*+*+*+*+*+*+*+*+*+*+*