Arroud eus Kan ar Pobloù
Pep pobl war an douar a zo galvet gant Doue
Hor gervel a ra Doue davetañ gant holl ar pezh ez omp hag e teu zoken ar c’hras da dreuneuziañ heuliadoù ar pec’hed en hor buhez (kv Rm 5-6). Ma kinnig ar Bibl disparti ar broadoù ha rouestlidigezh ar yezhoù goude an Liñvadenn Veur evel un dra mennet gant Doue (kv Gn 10) ez eo koulskoude un heuliad eus pec’hed Adam hag Eva a fellas dezho dont da vezañ « evel doueed » (Gn 3,5) hag eus pec’hed o diskennidi a vennas sevel « un tour, e benn en neñvoù. » (Gn 11,4) Hogen dre c’hervel an holl bobloù gant o dibarelezh eo e fell da Zoue bodañ ur bobl nevez hag adunaniñ an denelezh gantañ.
Istor an Emglev a grogas gant un den, Abraham hag e diegezh a voe galvet gant Doue e-kreiz darvoudoù e vuhez hiniennel ha ma teuas dioutañ ar bobl a voe bleniet gant Doue a-dreuz kammdroennoù he hanez. E-kreiz danvez fetis e vuhez, e-kreiz istor e bobl ez eo galvet ivez pep den da zegemer steuñv a silvidigezh Doue war an denelezh. Pep pobl, evit gwir, zo galvet gant Doue (kv S 116) da vont tre e kevrin an Emglev hag emañ grataenn Doue da Abraham o tasseniñ evit an holl bobloù: « Benniget e vo drezout holl gerentiezhoù an douar. » (Gn 12,3)
Gant Jezuz e voe kadarnaet dibab Israël ha war un dro steuñv hollvedel ar silvidigezh evit ar broadoù a grogas da vezañ sevenet gant kasadenn ar Spered Santel a ra d’an Iliz dougen testeni eus karantez Doue dre an douar a-bezh (kv Ob 1,8), d’an holl bobloù gant o sevenadurioù ha yezhoù liesseurt (kv Ob 2,4) Rak ar bobl nevez, ar « vroad santel » (1P 2,9) a fell da Zoue dastum an holl dud enni dre berzh ar silvidigezh gounezet dimp gant ar C’hrist Jezuz n’eo ket unan unneuz an hini eo met unan liesliv stummet gant ar Spered Santel diouzh diseurtelezh an denelezh ha liesseurtiezh ar pobloù ha sevenadurioù: « tud eus pep meuriad ha pep yezh, ha pep pobl ha pep broad. » (Disk 5,9-10).
Hiviziken e c’hell an holl dud, an holl vroadoù, dre o feiz e Jezuz, emvataat eus grataenn Doue da Abraham: « Komprenit mat ez eo an dud a feiz ar re a zo mibion Abraham, eme sant Paol d’ar C’halated. Hag ar Skritur o rakwelout eo dre ar feiz e rofe Doue ar reizhder d’ar Broadoù, a rakkemennas ar c’heloù mat-se da Abraham: ‘Ennout, emezi, e vo benniget an holl vroadoù’ en doare ma vez benniget an dud a feiz a-gevret gant Abraham an den a feiz. » (Gal 3, 7-9)
(Levrenn da werzhañ e Lann-Anna)
Extrait du Chant des Peuples
Tout peuple sur la terre est appelé par Dieu
Dieu nous appelle à Lui avec tout ce que nous sommes et la grâce vient même transfigurer les conséquences du péché dans notre vie (cf. Rm 5-6). Si la Bible présente la dispersion des peuples et la confusion des langues, après le Déluge, comme une décision de Dieu (cf. Gn 10), il s’agit cependant d’une des conséquences du péché d’Adam et d’Eve qui voulurent devenir « comme des dieux » (Gn 3,5) et du péché de leurs descendants qui voulurent bâtir « une tour dont le sommet pénètre les cieux. » (Gn 11,4) C’est pourtant en appelant tous les peuples, dans leur diversité, que Dieu veut rassembler un peuple nouveau et se réconcilier l’humanité.
L’histoire de l’Alliance commença par un homme, Abraham et sa famille qui fut appelé par Dieu au coeur des événements de sa vie personnelle et duquel naquit le peuple qui fut conduit par Dieu au fil des méandres de son histoire. C’est également dans le concret de sa vie, au coeur de l’histoire de son peuple, que chaque homme est appelé à accueillir le plan de salut de Dieu sur l’humanité. Chaque peuple, en vérité, est appelé par Dieu (cf Ps 116) à entrer dans le mystère de l’Alliance et pour tous les peuples retentit la promesse de Dieu à Abraham: « En toi, seront bénies toutes les nations de la terre. » (Gn 12,3)
Jésus a confirmé l’élection d’Israël et également le plan universel de salut pour les nations qui commença à se réaliser par l’envoi du Saint Esprit qui permet à l’Eglise de porter témoignage de l’amour de Dieu par toute la terre (cf. Ac 1,8), à tous les peuples, avec leurs cultures et leurs langues diverses (cf. Ac 2,4). Car le peuple nouveau, la « nation sainte » (1P 2,9) dans laquelle Dieu veut rassembler tous les hommes, grâce au salut qui nous vient du Christ, n’est pas un peuple uniforme mais multicolore, formé par le Saint Esprit selon la diversité de l’humanité et la variété des peuples et cultures: « des hommes de toutes races et de toutes langues, de tous peuples et de toutes nations. » (Ap 5,9-10). Tous les hommes, tous les peuples peuvent désormais, par leur foi en Jésus, profiter de la promesse divine à Abraham: « Comprenez-le donc, explique saint Paul aux Galates, ce sont les croyants qui sont fils d’Abraham. D’ailleurs l’Ecriture, prévoyant que Dieu justifierait les païens par la foi, a annoncé d’avance à Abraham cette bonne nouvelle: Toutes les nations seront bénites en toi. Ainsi donc ceux qui sont croyants sont bénis avec Abraham le croyant. » (Gal 3, 7-9)
(Livret en vente à Lann-Anna)
